Wednesday , June 16 2021

Xanana Fahe Aihan Ba Madre Canossiana no Seminárista Fatumeta

DILI Post- Lider Karimátiku, Kay Rala Xanana Gusmão kinta (10/06) horseik kontinua apoiu aihan baziku ba Madre Congregasaun Canosiana Lesidere Dili no Padre sira no seminárista iha Semináriu Maiór Fatumeta, Munisipiu Dili.

Tipo aihan hanesan, foos saka 20kg hamutuk 12, foremungu karon 3, toko karon 1, mina bimoli litru 5 kaixa 1 entrega direita hosi, Sekretáriadu Apoia Solidaridade Maun Boot, Kay Rala Xanana Gusmão, Tomas do Rosario Cabral ho ekipa ba Reponsavel Madre Canosiana Lesidere, Terezinha Gusmão iha sira nia rezidensia.

Ekipa mós kontinua viazen ba Semináriu Maiór Fatumada, Postu Administrativu Don Aleixo, Dili hodi entrega tan foos saka 20, mina bimoli 5 liter kaixa 1, foremungu karon 1, no koto karon 2.

Hafoin simu apoio hirak ne’e Padre Eduardo de Almeida no Padre Abito José Brites hodi hato’o agradese ba domin ne’ebé oferese hosi Lider Istóriku Xanana ho ekipa emprezariu Timoroan sira.

Ho aihan sira ne’ebé oferese nu’udar grasa ida hosi Na’I Maromak, tanba durante ne’e sira mós presiza tebes aihan bele fasilita sira nia nesidade konsumu iha moris loron -loron nia
.
Total padre sira no seminarista 200-liu maka hela iha Seminário Fatumeta- Dili hodi hala’o sira nia estudu espiritual no área edukasaun oin-oin.

Iha parte seluk, Tomas do Rosário informa apoiu ne’e oferese hosi Maun Boot Xanana hodi tulun povu,inklui madre no padre sira Ne’ebe presiza aihan.

Nia dehan, tuir loos apoiu atu oferese hosi, Maun Boot Xanana, maibé tanba ohin okupado ho servisu ho ekipa X-Team Tasi Tolu komesa sobu ona ekipamentu sira iha Tasi Tolu, tanba ne’e labele partisipa.

Hahú kedas iha tinan 2020 liubá, bainhira Timor-Leste luta hasoru propagasaun surtu COVID-19, Xanana hala’o kedas viazen ba munisipiu sira ho apoiu seitór privadu Timoroan no internasionál lori apoia aihan baziku fahe ba vitima dezastre, udozus,ema ho difiensia sira. (Niki)

About dilipost

Check Also

Komunidade Balun Kontinua Ulun Tos, Halo Uma Iha Mota Ibun

DILI Post- Maske governun bandu ba komunidade sira labele halo uma iha mota ibun no …

Leave a Reply

Your email address will not be published. Required fields are marked *