Thursday , December 2 2021

Xanana Inagura Monumentu 4 de Setembru

DILI Post – Lider Karizmátiku Kayrala Xanana Gusmão inaugura Monumentu 4 Setembru 1999  iha Aldeia Au-hun, Suku Becora, Postu Administrativu Cristo Rei, Munisípiu Díli, hodi fo onra ba martires nain sia (9).

Serimonia Inagurasaun monumentu ne’e fo bensaun husi Padre Maubera “Amu Du” hamutuk ho família martires sira-nian no komunidade Au-hun.

“Monumentu ida ne’e konstrui hosi lider Karismatiku Kayrala Xanana Gusmão ne’e hodi fó onra ba martires na’in 9 ne’ebé mate iha loron 4 de Setembru 1999 hetan oho husi Milisia Pro Otonomia Indonezia,”dehan Xefi Aldeia Au-hun Joanina de Araujo Andrade iha ninia preves palavra hafoin inagura,monumentu 4 Setembru iha Au-hun, Becora, Sábadu, (09/10).

Nia haktuir inisiativa harii monumentu ne’e rasik mai husi Kayrala Xanana Gusmao Iha loron 20 Agostu 2021, bainhira nia komemora hamutuk aniversáriu FALINTIL ba dala- 46 ho komunidade Au- hun.

Xanana rasik promete konstroi monumentu ba martires na’in 9 ne’e. Komunidade Au-hun entuziazmu no agradese ba Kayrala Xanana Gusmão kontínua serve povu ida-ne’e.

Martires nain 9 ne’ebé milísia pro-Indonézia sira oho mak hanesan Saudozu Andre de Araújo, Carlos Martins Oliveira, Cristovão da Costa Silva “Tokadór”, Domingos Martins da Silva, Filipe dos Santos, Joaquim da Costa, Lay Oi Tsung “Asan”, Luciano Siquera “L. Sakunar” ho Mercelo Augusto.   

Lider Karismatiku Xanana Gusmão iha ninia diskursu afirma monumentu ne’e konstrui ba eroi no martires sira-ne’e atu fó hanoin fila-fali ba Timoroan sira no jerasaun foun sira kona-ba sakrifisiu hotu iha prosesu luta to’o ukun rasik an.

“Monumentu sira-ne’e hanesan mós fatin ida fó onra ba eroi  sira no ba ita hotu ne’ebé moris bele mi tau ai-funan no sunu-lilin iha monumentu sira-ne’e hodi hanoin hikas sira no fó onra ba sira,”tenik Lider Karismatiku ne’e.  

Nia hatutan, tinan 22 liu ba sira-nia ruin iha hela kraik, sira-nia ruin foin ba hasai, sira kontente tanba presta omenajen ba sira, la’ós haluha sira, maibé sai hosi triste nia laran fó rekoñesimentu ba sira.

“Kontrui monumentu ba heroi sira hodi fó omenajen nafatin ba sira-nia sakrifísiu iha tempu Luta ba ukun rasik an ne’e,”hakotu Xanana (cal/nicky )

About dilipost

Check Also

PM Partisipa Serimónia Ritual Perfurasaun Mina Matan Iha Covalima

DILI Post-Primeiru Ministru (PM) Taur Matan Ruak partisipa serimonia ritual perfurasaun mina matan iha Munisipiu …

Leave a Reply

Your email address will not be published. Required fields are marked *