Dili Post Habelar no Haburas Demokrasia
Related Articles
DILI Post -Kay Rala Xanana Gusmao to’o iha edifisiu Ministeriu Publiku (MP) maizumenus tuku walu liu minutu lima nulu.
Xanana Gusmao hatais faru liman naruk tun husi kareta akompaña husi nia eskoltu tama kedas ba MP laran no akompaña metin husi ekipa seguransa kompostu Tasforce, Batallion Orden Publiku (BOP) no nia eskoltu sira rasik.
Hafoin tama ba edifisiu MP laran, Xanana direiramente ba kedas iha resepsionista, ne’ebe tuir observasaun sei mamuk hela, molok kontinua ba aprezenta an iha prokurador ne’ebe atende kazu.
Observasaun Dili Post iha edifisiu MP oin nakonu ho juventude ne’ebe maioria uza kaus ho marka Xanana Gusmao.
Maske nune’e, situasaun iha edifisiu MP oin lao normal tanba hetan seguransa masimu husi Polisia Nasional Timor Leste (PNTL).
To’o informasaun ne’e fo sai, Xanana Gusmao rasik sei iha hela edifisiu MP laran.
Tuir informasaun, Xanana Gusmao sei koalia ba publiku, hafoin sai husi MP.
Fo hanoin fali katak, prezensa Xanana Gusmao ligadu ho husi Sekretariu jeral Partidu Fretilin, Mari Alkatiri hasoru deputadu nain 21, ne’ebe hatama iha loron 06 Novembru 2020. (nicky)
