Monday , September 27 2021

Xina Konvida TL Partisipa Jogu Olimpico Iha Tinan Oin


DILI Post – Governu Xina liu husi Embaixador, Xiao Jianguo konvida Timor Leste (TL) atu bele partisipa jogu Olimpico tinan oin ne’ebe sei realiza iha Xina.

Asuntu ne’e embaixador Xina iha TL hato’o ba Sekretáriu Estadu Joventude no Desportu (SEJD) Abrão Saldanha, bainhira sorumutu ne’ebe halao iha edifisiu SEJD, Kinta (29/07) ohin.

Iha intervista ho Sekretáriu Estadu, Abrão informa sira hasoru malu koàlia kona ba posibilidade ba preparasaun sira iha area desportu nian.

Enkontru ne’e, embaixador Xina fo agradese ba Governu Timor Leste nia esforsu luta hasoru Covid-19 no explora mos oportunidade sira ba servisu hamutuk iha area Joventude no desportu nian.

Aliende ne’e, nia dehan embaixador Xina mos mai informa kona ba tinan oin sira sei sai uma nain ba jogu Olimpico no sira husu atu TL bele ba partisipa.

Tan ne’e SEJD mos sei informa kona ba ita nia Nasaun tropikais ne’ebe atletas timoroan balun halao hela jogu iha França ne’eba.

“Ita depende ba sira nia preparasaun oinsa mak bele partisipa depois sei explora hamutuk ita nia partisipasaun ba reformasaun rekursus humanus nian ba setores hotu,” tenik SEJD ne’e ba jornalista.

Iha fatin hanesan embaixador Xina, Xiao Jianguo hateten nia mai hasoru SEJD koalia kona ba jogu Olimpico ne’ebe mak daudaun ne’e halao hela iha Tokyo tinan oin se iha jogu Olimpico tempu malirin nian iha ‘Winter Olimpic games’ ne’ebe mak sei halao iha Beguei.

“Hau haksolok tebes tanba Timor Leste hanesan nasaun ida kiik, maibe bele haruka nia delegasaun ida ba jogu Olimpicos iha Tokyo,” apresia Xiao.

Embaixador ne’e haktuir, ohin SEJD relata TL mos hakarak nia delegasaun ida ba partisipa iha ‘winter Olimpic’ iha tinan oin.

“Hau hanoin Timor-Leste nia partisipasaun iha eventus desportivas Internasional ba ‘Games Winter Olimpic’ iha tinan oin bele sai partisipasaun ne’ebe diak no bele hetan mos valor diak.(DT1/MJ3)

About dilipost

Check Also

PR Lu Olo Konkorda Fo Apoiu Finanseiru Ba Sira Ne’ebe Mate Hafoin Simu Vasina

DILI Post – Prezidente Repúblika (PR) Francisco Guerres ‘Lu olo’ konkorda fó apoiu finanseiru karik …

Leave a Reply

Your email address will not be published. Required fields are marked *